La scola Ilanz/Glion vegn a pagar la restituziun dils transports da scolars sulettamein a scolaras e scolars che frequentan il temps da scola obligatoric enteifer la vischnaunca Ilanz/Glion. Cunquei che la vischnaunca survegn neginas subvenziuns per scolaras e scolars che frequentan in gimnasi, san negins cuosts da transports vegnir restitui per quels affons.

Frequenta ina scolara ni in scolar la scola populara obligatorica enteifer la vischnaunca Ilanz/Glion e Vus sco geniturs leis cumprar per vossa feglia ni vies fegl in abunnament general (BüGA ni GA), saveis Vus pretender anavos dalla vischnaunca/scola la cumpart da cuosts ell’altezia maximala dalla summa subvenziunada dil cantun. Quei succeda cun il formular creaus per quei intent (colligiar per cargar giu directamein), il qual Vus haveis da dar giu ad uras ensemen cun la quittanza da cumpra per il BüGA/GA al secretariat da scola.

La damonda per restituziun da cuosts sa sulettamein vegnir pretendida enteifer igl 1. da zercladur – 20 d’uost directamein al secretariat da scola. Aschigleiti che nossa reservaziun per ils transports da scola cun AutoDaPosta ei terminada (20 d’uost), san neginas restituziuns vegnir pagadas. Nus supplichein per enconuschientscha e capientscha.